*अलक*
सर्वार्थाने त्यागाची मूर्ती असणाऱ्या तिनं पण्णास वर्षांच्या आपल्या संसारात नंदनवन फुलवलं.पण आयुष्याच्या उत्तरार्धात केवळ एकदाच जीवघेण्या आजारपणातून बाहेर पडताना तिची असणारी माफक अपेक्षा खाण्यासाठी फळ सोलून देण्याची पूर्ण होऊ नये, अगदी नवऱ्याकडूनही हे जेंव्हा तिला उमगले तेंव्हा तिला समजलं,उगवत्या सूर्याला नमस्कार घालणाऱ्या या माणसा साठी आपण केलेला त्याग वाया गेलाय तर...कसं ओळखता आलं नाही हे एवढी वर्ष आपल्याला?
*नंदिनी*
🤔🤔🤔🤔🤔
*अलक*
*प्रसाद*
मनस्वी, अक्षरशः हादरुनच गेली.गेली आठवडाभर अॉफिस सांभाळत आईच्या घरी यायची.आईला मदत व्हावी महालक्ष्मी मोठा सण म्हणून.
पुजेच्या दिवशी बाहेर गावहून आलेल्या वहिनीनं नैवैद्याचं एक ताट स्वतःच्या जेवणासाठी घेतलं नी दुसरं आपल्या मुलाला दिलं.
आई म्हणाली अगं मनस्वीला दे ना!तर वहिनीने उत्तर दिलं त्या या घरच्या नव्हेत.परक्या आहेत.आपल्या महालक्ष्मीचा प्रसाद त्यांना कसा देता येईल?
*©
*नंदिनी म.देशपांडे*
२१-७-२०१९.
😦😦😦😦
कोणत्याही टिप्पण्या नाहीत:
टिप्पणी पोस्ट करा