बहुरंगी फुलांचा मेळा
भास्कराच्या स्वागताला
अधिर जाहला स्पर्शावाला
रवीकिरणाच्या सान्निध्याला
बहुरंगी या फुलांमधूनी
बहुढंगी ती पानं हसली
हरित कणांचे अर्घ्य देऊनी
पर्णिका मनातून तृप्त जाहली
पानाफुलांच्या मुखकमलातूनी
तृप्तीचे तव पाट वाहती
धन्य जाहली अवनी बघूनी
वसंत हसला कणाकणातूनी
बहरु लागली तरुवेलीही
नवचैतन्य सोबतीने घेऊनी
पक्षीही आळवती सुरांतूनी
गोड मधुर तो पावा ओठी.
*नंदिनी*
🌹🌿🌹🌿🌹🌿🌹🌿
कोणत्याही टिप्पण्या नाहीत:
टिप्पणी पोस्ट करा