*रविवार*
साऱ्या भावंडात शेंडेफळ
मी रविवार...
म्हणून करतात सारे
माझाच जास्तीचा
लाड....
मनसोक्त आरामाच्या
आखत योजना...
जास्तीच्या कामांसाठी
वेळ देण्याचा बहाणा...
मनोरंजनासाठी ही
मलाच राखून ठेवलेले...
जिभेचे चोचलेही
माझ्याच माथी मारलेले...
रविवार रविवार म्हणत
घालवतात दिवस आनंदात...
पण रात्र होताच आठवण होते
माझ्या सर्वांत मोठ्या
भावाची....
उभा असतो दारी
छडी घेतलेला
शिस्तबध्द सोमवार...
मग मात्र कोण घाई
ती झोपण्याची....
आणि सोमवारच्या सकाळचा गजर लावण्याची....
शुभ रात्री म्हणत म्हणत
निद्रादेवीला जवळ करण्याची...
*©नंदिनी*
🌹🌹🌹
कोणत्याही टिप्पण्या नाहीत:
टिप्पणी पोस्ट करा