* स्फटिक निळाई *
आकाशीची स्फटिक निळाई,
विरघळूनी या नदीप्रवाही।
श्रृंगारित ही सुंदर अवनी,
आस घेवूनी अधिर स्वप्नांची।
खळखळतो हा नाद जलाचा,
किलबिलाटाची मधुर शहेनाई।
हिरवाईचा मोरपिसारा,
फुलूनी सज्ज हा स्वागताला।
त्या क्षितिजावर धरती
अंबर,
आस लेवूनी मनी मिलनाची।
अहा! किती हा सुरेख नजारा,
भुरळ घालीती चैतन्याला।
होता मिलाफ
क्षितीजावर त्या,
दाटला अवचित संभ्रम
हा का।
कुठली धरती?
अन् कुठले अंबर?....
कुठली धरती?
अन् कुठले अंबर?....
© *नंदिनी*
🌷🌷🌷🌷🌷🌷
कोणत्याही टिप्पण्या नाहीत:
टिप्पणी पोस्ट करा