आशा भोसले,
या भारतमातेच्या उदरी जन्म घेतलेलं एक अलौकिक सुरांचं व्यक्तिमत्व!
विविध भाषांतून तब्बल 12000 च्या वर गाणी गायलेली!
मराठी भाषेविषयीच बोलायचं झालं तर, बालगीतं, भावगीतं, भक्तीगीतं, लावण्या,लोकगीतं, चित्रपट गीतं आणि नाट्यगीतं सुध्दा!
सुरांच्या विश्वातलं अष्टपैलू व्यक्तिमत्व!
त्यांच्या आवाजाला-सुराला
चौफेर वक्राकार फिरवण्याची कला त्यांना देवानं जन्मतःच बहाल केलेलं एक लेणंच...
आवाजातील नजाकत भावनांचे अविष्कार आणि स्पष्ट शब्दोच्चार सारंच आचंबित करणारं...
आशाताईंचं साधं बोलंणं सुध्दा किती गोड!ऐकतच रहावं असं वाटणारं...
त्यांना प्रत्यक्ष ऐकण्याचा योग आला नाही पण विविध माध्यमांतून त्यांना ऐकणं ही सुध्दा एक सुंदर सुरीली पर्वणीच असते हे निश्चित...
लता/आशा या बहिणींच्या काळात आपला जन्म झाला आणि
अगदी बालवयापासून आपण यांना ऐकतोय, ऐकत आलोय हे खरोखरंच आपलं परम भाग्यच!
त्यांच्यातील विनम्रता, साधेपणा आभासी पध्दतीने का होईना पण अनुभवलाय आपण...
खरंच, स्वतःच्या संघर्षमय आयुष्यातून आपली वाट धुंडाळत आपलं असं खास
अढळ स्थान निर्माण करणं,ते ही त्या वेळच्या परिस्थितीत...
हे सारं विलक्षणच!
*मी मज हरपून बसले गं
*केंव्हा तरी पहाटे
*चांदण्यात फिरताना
*जीवलगा राहिले रे दूर
*कानडाऊ विठ्ठलू
*परवशता पाश दैवे ज्यांच्या
*शुरा मी वंदिले
*युवतीमना
*कठिण कठिण
*उषःकाल होताहोता
ही आणिक आणखी कितीतरी आवडीची गाणी !
अशा सर्वस्पर्शी भावनांच्या आवेगात गाणारा सुरीला गळा आज लौकिक अर्थाने लुप्त झाला असेल तरीही, त्यांनी त्यांच्या आयुष्यभराची आपल्या गोड, जादुई स्वरांची, सुरांची पुंजी आपल्यासाठी
ठेवली आहे...आपले सर्वांचे सांस्कृतिक विश्व,आपली श्रवण क्षमता समृध्द करुन ठेवली आहे...
आशाताईंना मनःपुर्वक शतशत धन्यवाद तर आहेतच.🙏🏻🙏🏻
त्यांचा हा सुरेल ठेवा कायमच आमच्या मनाचा
ठाव घेत रहाणार आहे...
आणि म्हणूनच आशाताई, तुम्ही आहात तुमच्या आवाजातून आम्हा सर्व रसिक श्रोत्यां सोबत...
तुम्हाला त्रीवार विनम्र अभिवादन 🙏🏻🙏🏻🙏🏻
भावपूर्ण श्रध्दांजली 🙏🏻
नंदिनी देशपांडे.
🌹🌹
