हिरवा,निळा पोपटी निसर्ग
मनास लुभावतो मस्त
वाटे जणू हा अवनी वर
अवतरलेला स्वर्ग स्पष्ट
आकाशीच्या देवतांना
पडलायं वसुंधरेचा मोह
स्वर्गातून उतरण्या तिवर
ह्या पायऱ्याच तर होय
पहिली ही शुभ्र धवल
बर्फीली थंडगार छान
दुसरी भासे ती हिरव्या
मखमलीची मृदू शाल
तिसरी पायरी वृक्षरुपी
डोलती हासत स्वागता साठी
चौथी असे ही मुलायम
सुंदर पोपटी रंगाची
त्या खाली ही घरं ईवलीली
माणूस रुपी दुतांची
स्वागत करण्या त्या ईशाचे
फुलांसवे हासत येती
हे ईश्वरा सदैव राहो
कृपा ही अशीच आम्हावरती
शब्द न सापडे व्यक्त होण्या
तुझ्या या अतीव ऋणासाठी
तुझ्या असणाऱ्या
या आशिर्वादासाठी
आम्हा वरच्या या
सुंदर सुरेख प्रेमासाठी
© *नंदिनी*
🎄🎄🎄🎄🎄🎄
कोणत्याही टिप्पण्या नाहीत:
टिप्पणी पोस्ट करा