*स्वागत पाऊसाचे*
सृष्टिला या अभिषेक घडवण्या
वसुंधरेला हिरवाईत
नटविण्या
साज अवनीचा नवनीत
बनवण्या
बरसत आल्या पाऊसधारा
स्वागत त्यांचे चला कराया
फुलांनी बघा सडा शिंपला
पानांनी तव घातला वारा
पक्ष्यांचा हा किलबिलाट
अहा!हा
वाजवी मंजूळ शहेनाई
डोलती सन्मुख फळे रसरशीत
खग पाहुणचारा असती उत्सुक
प्रसन्न वदनी सुवासिनी
बघा गाती अक्षयगाणी
हासला मनातून बळीराजाही
लगबग त्याची सुरु जाहली
धान पेरण्या शेतांमधूनी
घालत मुजरा वरुण
राजाला
आपली कृतज्ञता पोहोंचवित पावसाला
आकाशी तव मेघ दाटले
हरखूनी गेले मनोमनी
पाहूनी आपला स्वागत समारंभ मेघ असे म्हणती
आहे सदा मी भाग्याचा
धनी....
असेच भाग्य सदा लाभू दे
आनंदाचे असेच क्षणक्षण
नित्य सदा बहरु दे
सृष्टिला या रोज नवा
मज अभिषेक घडवू दे
मज अभिषेक घडवू दे.
© *नंदिनी*
जूलै,७,२०१९.
सायं.६ वा.
औरंगाबाद.
कोणत्याही टिप्पण्या नाहीत:
टिप्पणी पोस्ट करा