असू दे अरेंज किंवा लव मॅरेजही
तुझ्या सहजीवनी रहाण्याची लज्जतच न्यारी
दिव्य गंधित प्रेमफुलाचा
अस्वाद घेत नजाकतीनं भारुन जाते मी आजही
क्षणोक्षणी अविरत
एक एक पाकळी उलगडताना हळूच मृदूल मुलायम
समाधानाचं सौंदर्य खुलत जायी बहरत बहरत
संसाराच्या मखमली वाटेवर
लागला खाचखळगा कधीतरी
तुझ्या भक्कम हातानं आधार दिला वरचेवरी
निर्धास्त मी तुझ्या सहजीवनी
सावलीत गार तुझ्या विसावूनी
आच कधीच आली नाही
अडचणींची माझ्या जवळी
अशीच साथ राहो कायम
परमात्म्याला मागणं माझं
तुझ्यासह सहजीवनी
वेचू देत सोनेरी क्षण
तुझ्या बळकट आधारात
मला बुडून जाऊ देत
तुझ्या सवे जीवनाचा असाच
आनंद टिपू देत...
असाच आनंद टिपू देत..
_सौ.नंदिनी मधुकर.
दि.११मे,२०२०.
🌹🌹🌹🌹🌹
कोणत्याही टिप्पण्या नाहीत:
टिप्पणी पोस्ट करा