आजच्या या मंगल दिनी,माझ्या शुभेच्छा
आपल्या चरणी....
एक प्रकाश किरण येई,
घेऊनिया सप्तरंगांना...
भेदूनी तिमिरा उजळूनी टाके,
साऱ्या आसमंता....
सान्निध्याच्या परिघाला घातले,
कुंपण प्रकाशाचे....
बुध्दी स्पर्शातूनि तेजाळे तव,
सुंदर विचार शृंखला....
प्रकाश व्यापूनि टाके जेंव्हा,
घडे परिस स्पर्श तेंव्हा...
पराक्रमाच्या कार्य पूर्तिला येई,
भेटण्या सन्मानाची साथ....
जाणीव कर्तव्याची करिती,
मृदूल फुलांची अखंड पखरण....
मांगल्याचे सूर आळविती,
तरंग प्रफुल्लतेचे....
जीवन वाटी आपल्या असू द्या नित्य,
अशा या मृदूल पायघड्या....
आज मागणं असे ईश चरणी हे,
आजन्म राहो प्रकाश हा....
असाच तेजःपुंज
राहो असाच तेजःपुंज....
एकसष्टी पुर्तिच्या खूप मनापासून आभाळभर शुभेच्छा....
© नंदिनी म. देशपांडे.
💐💐💐💐💐💐
कोणत्याही टिप्पण्या नाहीत:
टिप्पणी पोस्ट करा