हारफुलांचा साज ल्याला
झोकात डोलल्या तोरणे पताका ।
रंगावलीने भुमी भारली
दिपोत्सवाने रंगत आली ।
श्रीरामांचा ध्वज फडकला
राम आगमनाचा सोहळा सजला ।
श्रीराम जयराम जयजयराम
जल्लोष अवघ्या मातृभुमीचा जाहला ।
चराचरात गर्जे रामनामाचा गजर
हर्ष दाटला मनोमन ।
आज विराजमान आमचे राघव
आयोध्येत त्यांचे भव्यदिव्य स्वागत ।
याची देही याची डोळा
सोहळा आम्ही श्रीराम आगमनाचा पाहिला ।
कणाकणास श्रीरामांचा ध्यास लागला
त्यांंच्या चरणी अवघा भक्तीभाव
लीन जाहला।
©️ॲड.नंदिनी म. देशपांडे.
जाने.२२,२०२४.
🌹🌹🌹🌹🌹🌹
कोणत्याही टिप्पण्या नाहीत:
टिप्पणी पोस्ट करा