🌹*गुलाब*🌹
रहातो जरी
काट्यांच्या सहवासात.....
असतो कायम ठेवून
अस्तित्वाचे मृदूपण....
सदा सौंदर्याने परिपूर्ण
बहरत बहरत....
निर्भेळ आनंदाची
करुन काट्यांना पखरण....
सुगंधाची उधळण करत
हरखून जातो मनोमन....
होतो मनस्वी कृतार्थ
प्रेमाच्या या विश्वात....
प्रेमी जेंव्हा मागतात
मागणं आपल्या प्रेमाचं....
करुन माझी देवघेव
कटिबद्धता साधतात मनात....
आपलेच प्रतिबिंब न्यहाळत
परस्परांच्या डोळ्यात....
तेंव्हा होतो विराजमान
प्रत्येकाच्या हृदयात....
मीच तो उमलणारा
कळीपाकळीतील गुलाब.....
मीच तो हसणाराही
ललनांच्या गालात....
काट्यांचे मानत धन्यवाद....
आनंदाला बहर आणतो घराघरांत....
©*नंदिनी*
फेब्रू.७,२०१९.
🌹🌹🌹🌹🌹
कोणत्याही टिप्पण्या नाहीत:
टिप्पणी पोस्ट करा