*आराधना*
*आराधनेची* आराधना देवाला भावली,
नी तिची ही प्रर्थना फलद्रुप झाली.... पदरात तिच्या भरभरुन ओंजळीने दान टाकती झाली....
कुशीतून आराधनाच्या सानुल्या दोन गोड गोंडस पऱ्या सृष्टिवर आगमनीत झाल्या.....
ईवल्याशा पऱ्या या दोन,
जणू सरस्वती आणि लक्ष्मी हातात हात घालून
हासत खेळत अवतरल्या..... साडेतीन मुहूर्तांपैकी एक अशा दिपोत्सवाच्या, पाडव्याच्या शुभ मुहुर्तावर अवनीवर पाऊल टाकत्या झाल्या.....
*नभा* सारख्या विशाल हृदयी आजीच्या या नाती
दोघी
दिवाळी पाडव्याची मौल्यवान सोनेरी भेट बनून आल्या......
ईश्वराने बहाल केलेल्या या अमूल्य ठेव्यानं दोन्ही घरांतील कुटुंबात आनंद लहरी फेर धरत्या झाल्या......
आई बाबा या पऱ्यांचे कृतकृत्य झाले,
त्यांच्या
समाधानाच्या तेजाने दिपावलीचे दिवे उजळू लागले.....
पणत्या या दोघी,
दोन्ही घरांच्या उपजतच स्वयंप्रकाश लेवून आल्या......
आम्ही स्वयंसिध्दा,आम्ही मार्ग दर्शिका,आम्ही हिरकण्या नि आम्हीच
वंशलतिका गाणी मनाशीच गुणुगुणु लागल्या.....
आजी,आजोबा,काका,मामा,आत्या आणि मावशी सारेच कसे प्रफुल्लित जाहले.... दिपोत्सवाच्या संगतीने,सनई च्या मंजूळ स्वरात सोन्याच्या पावलांनी,पाऊस धारेच्या साक्षीनं
अवतरलेल्या
या दोन पऱ्यांच्या स्वागतासाठी लगबगीने तयारीला लागले.......
फुलांच्या माळा, रंगीबेरंगी दिपमाळा,आकाश कंदिल सारेच जाहले उत्सुक स्वागता....
अंगण सजले रांगोळ्यांनी, अवनी सजली हिरव्या मखमली गलिच्याने..... पऱ्यांसाठीे जणू ही पखरण.....
मुलायम या पायघड्यांची.......
निसर्ग राजा हासत डोलत भुलोकी या
सज्ज जाहला....
करण्या स्वागत सानुल्यांचे......
गोड गोजिऱ्या या दोन पऱ्यांचे,
आराधनेच्या या दोन कन्यकांचे...
या दोन प्रकाश दर्शक तेजस्विनींचे...
©
*नंदिनी म.देशपांडे*
दिवाळी पाडवा,२०१९.
💐💐💐💐💐💐
कोणत्याही टिप्पण्या नाहीत:
टिप्पणी पोस्ट करा