सहजीवन, परस्परांचा एकमेकांवरील अतूट विश्वास.....
सहजीवन,जोडीदाराशी
वैचारिक आदानप्रदान....
सहजीवन,सुख दुःखातील समान वाटा....
सहजीवन,परस्परांचा मान सन्मान जपणं....
सहजीवन,परस्परांना बहाल केलेला भावनिक
ओलावा....
सहजीव,जीवनाचा चढ उतार अनुभवताना दिलेला कणखर आधार....
सहजीवन, परस्परांच्या जडण घडणीत उभतांचा सिंहाचा वाटा....
सहजीवन, दोघंही एकमेकांची सावली बनून रहाणं.....
सहजीवन,सहचराच्याआयुष्यातील मुलायम हिरवळ....
सहजीवन श्वासाच्या अंता पर्यंत यथार्थ साथ...
सहजीवन,आयुष्यभर एकमेकांवर प्रेमाची बरसात....
सहजीवन,तू आणि मी यांचे
अविभाज्य अस्तित्व...
सहजीवन,आठवणींच्या गोड हिंदोळ्यावर
प्रितरसाचे सदैव सिंचन.....
सहजीवन,मूर्ति दोन पण
एकच श्वास...
© *नंदिनी*.
🌹🌹🌹🌹🌹🌹
कोणत्याही टिप्पण्या नाहीत:
टिप्पणी पोस्ट करा