*स्वागत नववर्षा*

सडा संम्मार्जन शोभतसे अंगणी,
मंद दरवळ त्याचा पसरे आसमंती.
शोभतसे त्यावर सुरेख रंगावली,
मिरवत आपली संस्कृति साजिरी.
स्वागत नववर्षा तुझे मी करते,
उभारुनी दारी गुढ्या तोरणे.
सजलेे चैत्रांगण बहरे पालवी
मोगर्या करवी देतसे वर्दी.
सज्ज गुलमोहर लेऊनी लाली,
चिंचा,द्राक्ष,कैरी लज्जत वाढवी.
कोकिळ पावा तृप्त करीसी कानी,
हर्षाचे तरंग उठती मनी.
निळ्या आकाशी झालर रुपेरी,
मौज करी निशा संगे,
गंधित रातराणी.
सृष्टीचे सौंदर्य वर्णावे किती,
प्रफुल्ल शिडकावा दूर वर पसरी.
अशा या प्रसन्न नववर्षारंभी
अर्पिते शुभेच्छा मनापासूनी....
शुभेच्छा माझ्या या नववर्षारंभी......

*नंदिनी*©