बहिणभावाचं नातं
ह्रदयस्थ,निःस्वार्थ,निर्व्याज
परस्परांचा आधारस्तंभ
बहिणभावाचं नातं
प्रेमळ मायेने ओतप्रोत
शब्दावीना संवाद साधणारं
बहिणभावाचं नातं
एक गोड माहेरपण
बाल्य जपणारं
अधिकार गाजवणारं
बहिणभावाचं नातं
मनाच्या कोंदणातील
हळवा एक कप्पा
निरोपाच्या वेळी
ओलावणारं कडा
आज मुर्त रुपात
नसशीलही तू
पण मनात कायम
वसलेला आहेस तू
माहितीए मला
गोड आठवणींना
झोके देत
प्रसन्न मुद्रेने बघतो आहेस
आपल्या बहिणींकडे
तुझ्या मनगटी पोहोंचण्या
राखी
माध्यम आहे ईश्वरी श्रध्दा
बांधेन राखी मी देवाला
तुझ्या पर्यंत पोहोंचली
समजेल मला...
असशील तेथे
रहा सुखी
आशिर्वाद कायम आहेत
तुझ्या पाठी.
नंदिनी देशपांडे.
राखी पौर्णिमा,2025.
🌹🌹🌹🌹🌹
कोणत्याही टिप्पण्या नाहीत:
टिप्पणी पोस्ट करा