कविता⚘
*******************
मनीच्या कल्पनांना.
शब्दरुपी पंख
फुटतात
गूज एखादे मनात
रुजते अन्
अंकूरते
सौंदर्यदृष्टिला
कल्पनेचा बहर येतो
उपमा अलंकार
मनावर राज्य
करु लागतो
आठवांची मखमल
शब्दशिंपण घालते
अशावेळी अवचितच
मनात काव्य
विलसत जाते
काव्याचं
विलसत जाणं
जेंव्हा शब्दांनी
पुलकित होतं
तेंव्हा आणि
त्याच क्षणी
कविता प्रसवते
शब्दफुलांची
गुंफण होऊन
कागदावर उतरते
काव्याविष्काराची
ही सुंदर वीण
रुंजी घालत असते
वाचक तिला
मनाच्या गाभार्यातून
वाचत जातो
कवीयत्रीचं मन
अशा वेळी
काव्यशिल्प साकारल्यानं
हर्षित होत जातं....
आज २१ मार्च,
कविता दिनाच्या
सर्वांना हार्दिक शुभेच्छा....
©️ नंदिनी म. देशपांडे.
🌹🌹🌹🌹🌹
कोणत्याही टिप्पण्या नाहीत:
टिप्पणी पोस्ट करा