गोकुळीच्या अंगणी
रासरंग रंगला
कान्हासवे खेळण्या
गोपिका त्या जमल्या
रंगरंग घेऊनिया
सोहळा रंगांचा
सजला
गोकुळात कृष्णसखा
रंगांमध्ये भिजला
पितरंग सुवर्णाचा किरणा किरणांत हासला
हरित रंग चैतन्याचा
आसमंती भारला
रंग गुलाबी प्रितिचा
गाली वसला राधेच्या
जांभळी ती मस्त छटा
व्यापून टाकी अंबरा
श्वेत शुभ्र छान साज
दिशादिशात फाकला
कोमल श्यामल श्याम सावळा
कृष्णसखा तो दंगला
रंगूनी रंगारंगात तोच
तरीही किती आगळा!
कान्हा माझा विश्व राणा
आहेस खूप वेगळा
आहेस खूप वेगळा!
*होलिका पुजनाच्या सर्वांना शुभेच्छा*. 🔥
©️
नंदिनी म. देशपांडे.
औरंगाबाद.
मार्च, २८,२०२१.
🌹🌹🌹🌹🌹
कोणत्याही टिप्पण्या नाहीत:
टिप्पणी पोस्ट करा