# चोचले जीभेचे # ♦️
©️नंदिनी म.देशपांडे
♦️मेथीचं वरण♦️
दररोज काय भाजी करावी?हे फार मोठ्ठं प्रश्नचिन्ह उभं असतं हल्ली प्रत्येक गृहिणीच्या चेहऱ्यावर...
सध्या लॉकडाऊन च्या काळात घरात होत्या नव्हत्या, त्या भाजा आता संपल्याएत किंवा संपत तरी आल्या आहेत...पण शक्य तेवढे घराबाहेर पडण्याचंही टाळायचंयं नक्कीच....
असा विचार सर्वच गृहिणींच्या डोक्यात चालू आहे यात वादच नाही....ही गृहिणीना आपल्या उद्याच्या कामाचं,स्वयंपाकाचं नियोजन एक दिवस अगोदरच करत असते नेहमीच...मनात प्लॅन तयार असला म्हणजे कामं कशी पटापट आटोपली जातात...
माझंही असंच आहे....उद्याच्या भाजीचं प्रश्नचिन्ह लाऊन विचार चालू होता...एवढ्यात त्या मेथीच्या वरणानं हात उंच केला...मला म्हणालं ते,"तू मला किती दिवस झाले स्वयंपकात लुडबुडू दिलं नाहीएस...भरमसाठ ताज्या ताज्या भाज्या आणल्यास की, तुला चक्क माझा विसर पडतो, हे लक्षात आलंयं माझ्या....त्याच त्या खाऊन कंटाळा आला, की मग मला आवाज देतेस...किंवा सारखं गोड खाऊन वीट आला की माझी आठवण काढतेस...नाही तर अशा आणीबाणीच्या परिस्थितीत मीच उपयोगी पडते हे गृहितच धरत असतेसच तू....म्हणूनच मी हात उंचावला,कळलं ना....
मनाशीच हसले मी....आणि लक्षात आलं अरे,हो उद्या हेच बनवू आपण...वरण आणि भाजी दोन्हीही
'टू ईन वन' डिश मस्तच आहे...
मेथीची जुडी नाहीऐ तर काय झालं आपण तिच्या बिया,मेथीदाणे वापरुया ...तुरीची डाळ शिजवताना त्यात थोडया जास्त प्रमाणात!....पातळ भाजी ईतपत दाटसर करुया हिंग,असेल तर ठिकचं कोथिंबीर,लाल शाबीत मिरची घालून वरण फोडणीला द्यावयाचे... नसेल तर तसेच....आणि वरतून त्यावर दोन चमचे वेगळी फोडणी घेऊ या...मस्त! चवदार जीभेला चव आणणारं खमंग!आणिक काय हवंयं....त्याबरोबर ताक,किंवा कढी
आणि झणझणीत ठेचा... शिवाय गरमागरम भाकरी (शाळूची) अहो पंचपक्वांनाही लाजवेल असं जेवण....शिवाय वेळही निभाऊन नेते...
ठरलं तर मग मी उद्याचं आमंत्रण आजच देत तुला...आता खूष ना!
असं खुणावलं आणि अश्वासितही केलं त्याला....अन् निवांत पणे स्वतःला झोपेच्या स्वधिन केलं...
🌹🌹🌹🌹🌹🌹
कोणत्याही टिप्पण्‍या नाहीत:
टिप्पणी पोस्ट करा