नको नको रं पावसा.

*नको नको रं पावसा*

नको नको रं पावसा
नको देऊ रं हुलकावणी ।। धृ.।।

लावी आशा या जीवाला
लावी डोळेही तुझ्या वाटी
काळे सावळे हे मेघ
दडवी पाऊस आपल्या
पोटी
आभळात भरुन राही
वाऱ्यासवे धावत येई
पण जमिनीवर  बरसत नाही

नको देऊ रं हुलकावणी ।।१।।

सोबती आमचा तू पावसा
का रे रुसला रुसला आम्हा अंगणी न येता
विन्मुख का रे परतला
काय केला गुन्हा सांग
आम्हा देतसे शिक्षा
परतूनि ये आमच्या दारा

नको देऊ रं हुलकावणी ।।२।।

केली झाडांची कत्तल
ऊभी सिमेंट जंगलं
शानशोकी साठी घरं
पर केला अविचार
वरुण राजा हा रुसंल
ना पवनही साथ द्याया
कशापाई तो बरसंलं

नको देऊ रं हुलकावणी ।।३।।

शेजार देशीला तू
किती हाहाःकार केला
आम्हा देशात मातर
अखंड पाणी आमच्या डोळा
घास लागना रं गोड
सहवेना उष्मा घोर
वसुंधरेची हिरवाई
वाट तुझी रं पाहसी

नको देऊ रं हुलकावणी
।।४।।

©
*नंदिनी म.देशपांडे*

🌧🌧🌧🌧🌧🌧