रक्षाबंधन

‌ *रक्षाबंधन*

*रक्षाबंधन*
उत्सव जिव्हाळ्याचा
भावा बहिणींच्या
पवित्र नात्यांचा...

*रक्षाबंधन*
भावा बहिणीनं
परस्परांना
अश्वस्थ करत
आजन्म साथ देण्याचा....

  *रक्षाबंधन*
आपल्या सुख दुःखाची
देवाण घेवाण करत
पाठीशी खंबीरपणे
उभं राहाण्याचा.....

*रक्षाबंधन*
बहिणीनं भावाचं
तर भावानं बहिणीचं
कौतूक करण्याचा....

*रक्षाबंधन*
भाच्यांबरोबर
लहान होत
आपलेच बालपण अनुभवण्याचा....

*रक्षाबंधन*
भाच्यांच्या विश्वात
रममाण होऊन
दंगामस्ती करण्याचा....

*रक्षाबंधन*
आयुष्यभर आधारवड
बनून राहिलेल्या आई वडिलांची सावली बनण्याचा....

*रक्षाबंधन*
चार क्षीण हातांची
आधार काठी बनून
सुरुकुतलेल्या हातांना
मुलायम प्रेमस्पर्श देण्याचा...

*रक्षाबंधन*
नात्यांचे अतूट मौक्तिक
सर्वार्थाने एका मालेत गुंफण्याचा....

*रक्षाबंधन"*
प्रतिकात्मक उत्सव
नात्यांना रक्षिण्याचा
नात्यात गोडवा पेरण्याचा....
नात्यात गोडवा पेरण्याचा....

©
*नंदिनी म. देशपांडे*
रक्षाबंधन,२०१९.

👱‍♀👱👱‍♀👱👱‍♀👱