भादव्यात अवतरली गौराई
आगमनाचा तिच्या थाट होई भारी
परजन्याने बरसवले पाणी
वसुंधरेनं ल्याली बनारसी हिरवी
फुलांनी घातल्या पायघड्या रंगीबेरंगी
आकाशी जमल्या सप्तरंगी राशी
इंद्रधनू तोरण लावे निलांबरी
गणेशाला सवे घेऊनी
झोकात आली गौराई
समृध्दीचे सिंचन झाले भुवरी
संपन्नतेची शहेनाई वाजे अवनीवरी
गौराई चे कौतूक करावे किती किती!!
©️नंदिनी म.देशपांडे.
२०,सप्टें.२०२२.
🌹🌹🌹🌹🌹🌹
कोणत्याही टिप्पण्या नाहीत:
टिप्पणी पोस्ट करा